High Court

Helmet A Khum Loh Avangin Zangnadawmna Dawn Tur Tih Hniam Sak A Ni: Accident Avanga A Thihnaah Thiamlohna A Nei Ve Tiin Madras High Court Chuan Thutlukna A Siam

20/02/2026
Admin

Helmet A Khum Loh Avangin Zangnadawmna Dawn Tur Tih Hniam Sak A Ni: Accident Avanga A Thihnaah Thiamlohna A Nei Ve Tiin Madras High Court Chuan Thutlukna A SiamMadras High Court chuan ni 10, February 2026 khan kum 19 mi motor-cycle chesuala boral ta chu, a fimkhur loh avangin thiamlohna 25% a neih thu an sawi a, a zangnadawmna dawn theih a tih hniam sak. Motor-cycle khalhtu hian chetsualna a thlen lai hian helmet a khum lova, driving license a nei lo bawk a ni. Court chuan accident thlen tirtu tak chu Eicher Van khalhtu fimkhur loh vang leh khalh chak vang niin a sawi a. Nimahsela, a lua hliam na tak a tawrhna chhan erawh motorcycle khalhtu in dan zawm lova, helmet a khum loh vang a ni, tiin an sawi. Justice C.V. Karthikeyan leh Justice K. Kumaresh Babu te chuan motorcycle khalh laia helmet a khum loh avang hian, a luah hliam na tak a tawrh phah a, chumi chuan a thihna chu a thlen ta niin an sawi .Accident hi ni 3, December 2017 ah khan a thleng a, he accident-a a tuartu hian surgery lian tak tak vawi 3 lai a paltlang a, tichuan a na tuar lovin ni 24, November 2018 khan a boral ta a ni. Motor Accidents Claims Tribunal chuan Rs. 33,57,696 chu zangnadawmna turin an hlan a, chumi hnuah chuan a thiamlohna 25% chu paihin, Rs.25,18,272 chu 9% interest neiin a pe ta a. Section 173 of the Motor Vehicles Act, 1988, hnuaia an appeal naah chuan, insurance company chuan zangnadawmna an pek zat chu a hnial a. High Court chuan a thihna chu accident atanga a hliam tawrh nen a inzawm tlat thu a sawi a, an inenkawlnaa an sum sen zawng zawng zangnadawmna pek tawh chu a pawmpui a ni.Chutihlai chuan, Court chuan a hrehawmna leh na tawrh avanga Rs. 2,00,000 zangnadawmna pek tawh chu pawm lo a. Court chuan a tuartu boral hnu chuan hemi hnuaia zangnadawmna chu pek theih a nih loh thu an sawi a. Bench chuan an thutlukna siam tawhah chuan a innghat a, hemi hnuaia zangnadawmna chu a tuartu a thih tawh chuan pek theih a ni lo, tiin an lo sawi tawh a. Hemi hnuaia zangnadawmna an pek tawh Rs. 2,00,000 chu paih a ni a, tin, a thiamlohna a tel avangin a zangnadawmna pek tawh atangin 25 % paih leh a ni a. Tichuan, zangnadawmna an pek theih chu Rs. 23,68,272 ah Court chuan a tih hniam sak ta a ni. Insurer-te ngenna chu a then lai pawm sak a ni a, zangnadawmna diltute dil belhna erawh a hnawl thung(www.jclalnunsanga.in).

ITAT Chuan Senior Advocate Mukul Rohatgi-a Rs 133 crore Income Assessment Chungchanga Assessment Neih Tha Leh Tura Order A Sut

20/02/2026
Admin

ITAT Chuan Senior Advocate Mukul Rohatgi-a Rs 133 crore Income Assessment Chungchanga Assessment Neih Tha Leh Tura Order A SutNi 19, February 2026 khan Income Tax Appellate Tribunal, Delhi chuan Supreme Court lawyer, Senior Advocate Mukul Rohatgi income Rs.133 crore assessment chungchanga endikna nei tura tihna revision order chu a sut a. ITAT Vice President, Mahavir Singh leh Accountant Member, Manish Agarwal te chuan Assessment Year 2020-21 atana income assessment chu nei leh turin finfiahna tha tak a awm lo tih a sawi a. Mukul Rohatgi income chu disallowance neih hnuah Rs.133.46 crore a ni tih scrutiny assessment atangin hriat a ni a. Tribunal chuan a appeal-na chu a pawm a, tichuan Principal Commissioner of Income Tax (PCIT) in revision order Section 263 of Income Tax Act hnuaia a pek chu a sut ta a ni.Rohatgi-a chungchang hi scrutiny assessment hnuaiah endik a ni tawh a. Hetah hian Section 24(b) (home loan interest) hnuaiah Rs. 44.77 lakh leh Section 14A(expenses related to exempt income) hnuaiah Rs. 40.10 lakh disallowance siam a ni a. Chumi hnuah chuan a income chu Rs. 133.46 crore a chhut sak a ni a. Nimahsela, March 2025 khan Income Tax Department chuan Section 263 hnuaiah assessment nei tawh sa chu ennawn turin hriattirna a pe leh a ni.Tax Department chuan heng thil pathumte avang hian assessment neih that an duh a. A hmasa berah chuan mutual fund investment atanga capital gains-ah chuan engtin nge tax lak a nih tih te. A pahnihnaah chuan, India ram chhung leh pawna annual letting value an chhut dan te, leh pawisa an hmuhna atanga tax paih a nih loh avanga hremna lek kawh a nih loh vang te niin an sawi. Tribunal chuan Section 263 hnuaia thuneihna chu original assessment-a endikna thar neihna tur leh fel lohna a awm lo chunga, thlirna tlang dang atanga en duh vang ringawta hman tur a nih loh thu an sawi a. Original Assessment-ah chuan dik lohna a awm ngei a ni tih finfiahna chiang tak a awm a ngaih thu an sawi a. Tax department lam chuan fel lohna leh dik lohna a awm ngei a ni tih an finfiah theih loh avangin, Tribunal chuan thubuai chu a tih tawp sak ta ni.Mukul Rohatgi hi ni 17, 1955 ah a piang a. Law Degree hi Government Law College, Mumbai atangin a zo a. A pa a hun laia ukil tha leh judge ni ta Justice Awadh Behari Rohatgi kaihruaina hnuai atanga seilian a ni. India sawrkar ukil sang ber Attorney General of India kum 2014 atanga 2017 chhung khan a ni a. Private a practice a duh zawk avangin a bang a ni.A vawikhat dinah Rs 10 lakhs atanga Rs 20 lakhs a charge tlangpui. Case a harsa leh lian deuhah phei chuan hei ai a sang hi a charge thin. India ram a company leh milian chhungkua ten an ruai tlangpui. Ambani te chhungkaw ukil pawh hi a ni. (www.jclalnunsanga.in)

Gauhati High Court In Lengpui Airport PIL Case-ah Thubuai A Ngaihtuah

19/02/2026
Admin

Ni 17, February khan Gauhati High Court Chief Justice Ashutosh Kumar leh Justice Michael Zothankhuma ten Lengpui PIL case chungchang an ngaihtuah leh a. Contractor pakhat zawk Pu Zoramchhana ukil JC Lalnunsanga chu court hmasa a an hnathawh tawh chin affidavit thehlut tura a tih angin court-ah hian affidavit a thehlut a.Affidavit-ah chuan Pu Zoramchhana hian Civil Work , a chhung chei te a khawih a. Ni 3.3.2022 a sawrkar nena an inremna bakah ni 7.11.2022 khan inremna siam belhin a hna khawih zawng zawng hi Rs 19.56 Cr a ni a. He court thupek anga a hna endiktu ten a hna thawh chin ni 1.12.2023 ang chuan 96 % zo tawh tih court ah an thlen thu an sawi a.Hemi mai baka court order ni 3.11.2025 a Pu Kamlova leh Pu Zoramchhana hnathawh chin a endiktu sawrkar in court a hriattir danin ni 1.11.2025 thlenga an hna thawh atanga la bang a sawi te chu;Pu Kamlova hna lamah chuan ⁠ check-in area (540sqm) chu siam that a, inthiarna thar siam te a la ngai a. Heng te hi check in area chu a hmun thar a sawn a nih hunah chiah siam theih a ni dawn tih court ah an thlen a.Pu Zoramchhana hna lamah chuan a chung tur siam a la ngai a. Order hi company ah thlen tawh niin an design te pawm a nih hnuah a chung khuh hi tan a ni ang tih court ah an thlen. Pu Zoramchhana chuan a affidavit ah hian PWD Department te chuan Pooja Steel Corporation chu a chung siam tur hian an thlang a. A hmanraw hman tur pawh company in ni 1.8.2024 a an dil lai lawk Rs 56 lakhs chu ni 8.8.2024 khan a pek tawh thu a sawi a, hna hi 98 % zo tawh angin a in sawi.Contractor-te ukil Pu JC Lalnunsanga hian a affidavit-ah chuan, Lengpui Airport-a hna thawh tha lo ang a lan chhan chu Airport dangte nen kan tehkhin thin avang a nih thu a sawi a. Lengpui Airport cheinna Project atan hian Rs 39 Crore bawr (Kamlova hna Rs 19.59 Cr, Zoramchhana hna Rs 19.56 Cr)vel chiah sanction a nih laiin Shillong (Meghalaya) a Umroi Airport zauh nan Rs 600 Crore lai sanction a ni a. Rs 2,000/- Crore lai mai Lokpriya Gopinath Bordoloi International Airport chei that leh hna zawh nan sanction a nih thu a sawi.PIL thehluttu (Pi Vanramchhuangi) ukil Mr. Joseph Lalchhanhima Renthlei chuan court-ah hun a dil a. Hna te enchiana, a tul anga hna la thawh zawh lohte thlalak court-ah a thehluh a phalsak.Thubuai hi ni 5 March ah ngaihtuah a ni leh ang.(He thubuai PIL No.8/2022 ah hian petitioner tan Joseph Lalchhanhima Renthlei a ding a, sawrkar tan Mary Lalruatkimi dingin, contractor-te tan JC Lalnunsanga a ding)Dan lam kaihhnawih thutharte hi Whatsapp Group siamin update kan post thin a. Hemi Groupa i awm ve duh a nih chuan hemi link-ah hian lo join ve la.https://chat.whatsapp.com/BEZzj5EzMLCBEQjtWYRFug?mode=gi_c (Group 1)https://chat.whatsapp.com/DMaRfCsAQimCo6fLFyYNuS?mode=gi_c (Group 2)

WhatsApp Kaltlanga Manna Thu An Chhungte Hnena Hrilhhriatna Thawn Ringawt Chu S.48 BNSS Hnuaiah Pawm Theih A Ni Lo: Gauhati High Court

18/02/2026
Admin

WhatsApp Kaltlanga Manna Thu An Chhungte Hnena Hrilhhriatna Thawn Ringawt Chu S.48 BNSS Hnuaiah Pawm Theih A Ni Lo: Gauhati High CourtNi 6, February 2026 (Zirtawpni) khan Gauhati High Court chuan man(arrest) thu hrilhhriatna an chhungte hnena WhatsApp kaltlang a pek chu, an dawng ngei a ni tih finfiahna a awm loh chuan, Section 48 BNSS, 2023 hnuaiah pawm theih a nih loh thu an sawi. Court chuan an thawn a ni ngei tih finfiahna a awm loh chuan hrilhhriatna nungah (valid intimation) pawm theih a nih loh thu an sawi a. Section 48, BNSS, 2023 hnuaiah pawm theih a nih loh avangin, man(arrest) an nihna chu dan kalh niin, pawikhawihtua rinhlelh chu bail a chhuah tur a ni.Ni 20, July 2025 khan NDPS case-ah mi pathum man an ni a. Heng mi pathumte hi an trolly bag atangin ganja 75.4kg man a ni a. Sections 47 leh 48 BNSS hnuaia an chhungte hrilhhriatna chungchanga dan zawm tur chu police te’n an zawm lo niin an sawi a. Anmahni leh an chhungte hnena an man chhan leh man an nih thu hriattirna chu English-a ziah niin, anmahni leh an chhungte chuan English an hrethiam lo niin an sawi a. Tin, WhatsApp message-ah chuan hrilhhriatna an dawng ngei a ni tih nemnghehna engmah a awm loh thu an sawi bawk.He thubuaiah hian Justice Sanjeev Kumar Sharma chuan Section 48, BNSS chu zawm that a nih loh thu a sawi a. Court chuan an mi man te chu Rs.1 lakh bail bond pe a chhuah turin leh surety 2 nei turin a ti bawk. Court chuan Investigating Officer hnenah chuan an man chhan zawng zawng ziaka a pek hunah leh a hmaa a tih dik loh te sawifiahna a neih hnuah, remand dil theihna a pe a ni(www.jclalnunsanga.in)(He thubuai Bappi Sarkar & 2 ors. vs. State of Assam ah hian thubuai thehluttu tan Adv. AM Khan, Adv. TT Moni leh Adv. R Ali te an ding a, sorkar tan sorkar ukil a ding a ni)

Karnataka High Court Chuan Rahul Gandhi Laka Defamation Case Ziahluh Chu A Titawp

17/02/2026
Admin

Vawiin ni 17, February 2026 (Thawhlehni) khan Karnataka High Court chuan Congress leader Rahul Gandhi laka defamation case ziahluh chu a titawp. He thubuai hi Bharatya Janata Party (BJP) leader Keshav Prasad-an Rahul Gandhi, Karnataka Chief Minister (CM) Siddaramaiah leh Deputy Chief Minister DK Shivakumar laka a thehluh a ni a. 2023 Karnataka Assembly inthlanpui neih dawn khan, Congress Party te chuan advertisement leh campaign slogan-ah BJP-in contractor-te hnen atangin 40% commission an la thin niin an sawi a. Chung hunlai chuan BJP te chu Karnataka ruling party an ni a. Thubuai thehluhah hian BJP te chuan Chief Minister Basavaraj Bommai leh an party member thenkhatte chu Congress party-in tih hmingchhiat an tum thu an sawi a, heta tang hian Rahul Gandhi lakah hian defamation case hi a kal chho ta a ni. CM Siddaramaiah leh Deputy CM DK Shivakumar te chu June 1, 2024 khan bail-a chhuah an ni a. Rahul Gandhi chu June 7, 2024 khan bail-a chhuah a ni thung. Karnataka High Court chuan advertisement-ah hian Rahul Gandhi thlalak an hmang tih loh chu amah nen inzawmna a awm lo an ti a. Justice Sunil Dutt Yadav chuan Rahul Gandhi laka defamation case kal lai mek chu a titawp ta a ni(www.jclalnunsanga.in)

Allahabad High Court Chuan Khuh Damdawi Tam tham tak Mansak Avanga Thubuai Nei Mekte Bail Dilna a Hnawl

16/02/2026
Admin

Allahabad High Court chuan Codeine telna khuh damdawi tamtham tak dan phalloh a anlo kawl mansak an nih chungchang ah mi pahnih bail dilna chu a hnawl.Justice Ashutosh Srivastava chuan heti hian a sawi a:“Court ngaihdanah chuan dan in a hriatthiam chin a sawi chu a ziak ang tak leh a nihdan ang tak a zawm tur ani a. Dan in a sawi chin kalpel a chet na a awm anih chuan ngaihdamna a awm theilo a… He thil thlengah hian Codeine telna khuh damdawi danlo anga lo lakpen(kawl) tam tak an kut atang man a ni a, chuvangin ‘damlo in enkawlnan a hman’ tih chu a bawhchhia a, bail diltu te hi dan hnuai a hriatthiamna dawng thei an ni lo.”Applicant-accused-te chu Narcotic Drugs and Psychotropic Substances Act, 1985 (Sections 8/21) leh Bharatiya Nyaya Sanhita, 2023 (Sections 318(4), 338, 336(3) leh 340) hnuaiah thubuai awrh tir a ni a. Codeine telna khuh damdawi, bur 11885 vel bawm 119 a an dah chu car-a an load lain an man a ni.Thubuai neitu ten bail an dilna ah chuan damdawi zawrh phalna licence nei an ni a, damdawi zawrh tur a leina lehkha dik tak hmangin khuh damdawi chu an lei a ni tih an sawi. Criminal case anla neih ngailoh thu leh Drug Inspector chuan sample lak leh seal turin thuneihna a nei lo tih an sawi te bawk a ni.Court chuan ‘Codeine’ (Methyl-Morphine) leh a bawlhlo te chu Central Government Notification ni 14.11.1985 a Item No. 35-ah manufactured drug anga dah a ni a. dan chuan damlo in enkawl nan a hman anih a, vawikhat a mg 100 te te a ei chauh chu dan in a phal ani ati.Court chuan thubuai neitu te chuan chuan notification in hriathiamna a pek chin chu an bawhchhia a, chuvang in hriatthiamna dawng thei annilo ati.Bur 11885 vel lai mai khuh damdawi an kut atanga man a nih avangin Court chuan heti hian a sawi:“Thubuai awrhtu te/Puh te hi dik lo taka man a nih na lai kan hmulo a. Chuvangin tun hunah hian chuan chhuah lailawk na tur chhan tha a awm lo. An ukil in a sawi tamtak hi chu case a that chungchang a ni a, bail ngaihtuahna hunah hian ngaihtuah theih a ni lo. Tun hun ah hian chuan accused-te hian thiamlohna an neilo tia thuthlukna siam theih ala ni rihlo.”Court chuan heng a tawngkam hmang te hian thubuai ngaihtuah anih laia chhuah lailawk dil tute dilna chu a hnawl rih ani (www.jclalnunsanga.in)(He thubuai hi Abdul Qadir & Anr Vs State of UP a ni a. Applicant tan hian Sri SB Singh a ding a. State tan hian Sri Anoop Trivedi, Additional Advocate General leg Sri Nitesh Kumar Srivastava an ding a ni).

DISCLAIMER