Ni 20, July 2026 (Thawhtanni) khan Supreme Court chuan Division Bench (Justice Michael Zothankhuma leh Justice Pranjal Das) Gauhati High Court, Aizawl Bench thutlukna siam tawh, Chakma Autonomous District Council (CADC) leh Mizoram Legislative Assembly member chu a rualin mi pakhatin a nikawp thei tih chu a hnawl a. Supreme Court chuan Member nih kawp theih lohna dan an siam danglam tawh hnu chu ngaihtuah tha leh turin Chakma leh Mara Autonomous District Council te, CEM Chakma Autonomous District Council te chu a hriattir. MLA leh ADC member member nih kawp theih lohna Rule 11 hmasa zawk thla 3 chhunga ngaihtuah a, thutlukna siam turin an ti bawk. ADC leh MLA member nih kawp theih lohna dan hi thla 3 chhunga an siam tha lo a nih chuan thubuai thehluttute hi Supreme Court-a zual ko leh a phal sak.Supreme Court thutlukna :Thubuai thehluttu Rustom Chakma hian CADC member leh MLA member nih kawp theih lohna dan awm thin an paihna Amendment chu an khinglet a ni. He thubuai hi Chief Justice Surya Kant, Justice Joymalya Bagchi, Justice V Mohana te Bench chuan an ngaihtuah a. Supreme Court hian Gauhati High Court thutlukna ADC member leh MLA nih kawp theihna chu a hnawl ta a ni.Supreme Court chuan heng 6th Schedule hnuaia Autonomous District Council pathum te chu huang pakhata awm tur a an ngaih thu an sawi a. Member nih kawp theih lohna hi LADC- (Lai)ah chuan hman reng ala nih laiin, amendment-ah hian CADC (Chakma) leh MADC- (Mara)ah te paih thlak a ni a. Hei hi Supreme Court chuan dik theiin a hre lova. CADC leh MADC te'n a hemi chungchang a an thutlukna an siam zawhah, amendment neih hmaa member nih kawp theih lohna dan Rule 11 of CADC, 2002 chu hman leh theih tura hmala turin Supreme Court chuan a ti.Thubuai intanna Rasik Mohan Chakma :Kum 2024 khan Chakma Autonomous District Council (Constitution, Conduct of Business etc.) (Amendment) Rules, 2003 chu India Danpui kalh ni a hriatna a awm avangin Gauhati High Court, Aizawl Bench-a Doymoy Daveng Chakma leh Rustom Chakma ten PIL thehluh a ni a. Thubuai thehluttu hian CADC leh MLA office chelh kawp theih lohna dan awm thin, paihtlakna dan siamthat thar, Rule 4 of the 2003 amendment chu an khing a. He thubuaiah hian Pu Rohan Mohan Chakma, Chief Executive Member, CADC leh 36-Tuichawng Assembly Constituency-a MLA office chu a chelh kawp a. Thubuai thehluttu chuan India Danpui Article 101 leh Article 190 chuan Parliament leh State Legislature-a member nih kawp chu a phal lova, he India Danpui innghahna hi District Council-ah pawh hman tur a ni an ti a. Tin, Prohibition of Simultaneous Membership Rules, 1950-ah innghat telin, 2003 amendment chu 2002 CADC Rules hmasa in a khap thin, office pahnih chelh kawp theih lohna chu a paihthlak avangin India Danpui kalh a nih thu an thlen a. He PIL-ah hian he amendment mai bakah, CADC office leh MLA office chelh kawp Rosik Mohan Chakma chu paih thla turin an ngen a ni.Sawrkar lam tan chhan :State sorkar lam chuan India Danpui 6th Schedule (Autonomous District Councils) hnuaiah hian District Council leh State Legislature-a member nih kawp theih leh theih loh chungchang tarlan a nih loh thu an sawi a. Election Commission chuan Article 191 hnuaia MLA-te paih thlak theihnaah hian, Autonomous District Council (ADC)-a member nih chu paihthlak theihna nia sawi a nih loh thu an tarlang bawk. Tin, he khinna chhangtute chuan Gauhati High Court thutlukna lo siam tawh, Hiphei v. State of Mizoram (2013) chu tarlangin, hetah hian Court chuan member thlan tlin te leh Chief Executive Members, Autonomous District Councils te chuan “office of profit” an chelh loh thu leh Assembly election chu Autonomous District Council member an nihna atanga bang lova an tel theih thu a lo sawi tawh a ni.High Court thutlukna :Gauhati High Court-a he thubuai ngaihtuah a nih khan, Article 101 chuan Parliament leh State Legislature-a member nih kawp a remti lova, Article 190 hian legislature pahnih a member nih kawp chu a phal lo bawk. Nimahsela, he Article pahnih te hi chuan Autonomous District Councils lam awm dan tur a sawi tel lo thung. Sixth Schedule hi hemi chungchangah chuan a ngawih thu an sawi a, khapna dan India Danpuia ziah lan anih loh avangin court chuan Constitution-a thu inziakah thu emaw dan an belh theih loh thu an sawi a ni. Dual membership hian buaina a siam theih a awm thu sawi mahse, he hemi atanga zawhna lo awm thei te chu legislature emaw dan siam tura thuneitute kut a awm a nih thu leh court tih theih a nih loh thu an sawi a ni. He PIL hi titawpin Gauhati High Court chuan Rule 4 of the 2003 amendment chu a valid thu leh CADC member leh MLA nih kawp theihna chungchanga khapna dan a awm loh thu an sawi a.Nimahsela, Supreme Court chuan he petition a ngaihtuah hnu hian, Gauhati High Court thutlukna chu a pawmpui lova, CADC leh MADC te thutlukna azir hian Pu Rohan Mohan Chakma pawh office pahnih chelh zinga engemaw zawk zawk atanga a ban a ngai dawn a niThu belh : Supreme Court hian LADC pawhin ADC member leh MLA nih kawp theih lohna dan an nei a ti hi tih sual a ang. Lai Autonomous District Council (Constitution, Conduct of Business etc.) Rules, 2002 hlui Rule 11 ah ADC member leh MLA a nih kawp theih loh ti in a hnuai ami ang hian a in ziak a.Rule 11 - Vacation of seats : 1) Subject to the provisions contained in any law made under article 191 of the Constitution of India, no person shall be or continue to be simultaneously a member of District Councils of two or more Autonomous Districts, or a member of the District Council and of the Mizoram Legislative Assembly, and if a person is so elected, then at the expiry of twenty-one days from the date of publication in the official Gazette of the declaration that he has been so elected or, if such publication has been made on different dates, from the latest of such dates, that person's seat in the District Council of all such Autonomous District shall become vacant unless he has previously resigned his seat in the District Councils of all but one of the autonomous Districts or the Legislative Assembly, as the case may be. Such a vacancy or vacancies shall be notified by the Governor in the official gazette.LADC in an dan siam thar Lai Autonomous District Council (Constitution, Conduct of Business etc) Rules, 2010 ah chuan MLA tih lai khi an ni pawh hian an paih ta a. An dan siam thar Rule 10 ah chuan a hnuai ami ang hian MLA hi an paih ve tho a.Rule 10- Vacation of seats (1) No person shall be a member of the District Councils of two or more Autonomous Districts simultaneously, and if a person is so elected as a member of two or more District Councils, then at the expiry of twenty one days from the date of publication in the official Gazette, of the declaration that he has been so elected or if such publication has been made on different dates, from the latest of such dates, then the person's seat in the District Councils of all such Autonomous Districts shall become vacant, unless he has previously resigned his seat in the District Councils of all but one of the Autonomous Districts of his choice. Such vacancies shall be notified by the Governor in the official Gazette (www.jclalnunsanga.in)Dan lam kaihhnawih thutharte hi Whatsapp Group siamin update kan post thin a. Hemi Groupa i awm ve duh a nih chuan hemi link-ah hian lo join ve turin kan sawm a che. https://chat.whatsapp.com/BEZzj5EzMLCBEQjtWYRFug?mode=gi_c https://chat.whatsapp.com/DMaRfCsAQimCo6fLFyYNuS?mode=gi_c(He thubuai Rustom Chakma vs State of Mizoram & Ors, SLP(C ) No.11399/2026-ah hian thubuai thehluttu tan Adv. Siddhartha Borgohain, Farhat Jahan Rehmani AOR te an ding a ni)
