High Court

WhatsApp Kaltlanga Manna Thu An Chhungte Hnena Hrilhhriatna Thawn Ringawt Chu S.48 BNSS Hnuaiah Pawm Theih A Ni Lo: Gauhati High Court

18/02/2026
Admin

WhatsApp Kaltlanga Manna Thu An Chhungte Hnena Hrilhhriatna Thawn Ringawt Chu S.48 BNSS Hnuaiah Pawm Theih A Ni Lo: Gauhati High CourtNi 6, February 2026 (Zirtawpni) khan Gauhati High Court chuan man(arrest) thu hrilhhriatna an chhungte hnena WhatsApp kaltlang a pek chu, an dawng ngei a ni tih finfiahna a awm loh chuan, Section 48 BNSS, 2023 hnuaiah pawm theih a nih loh thu an sawi. Court chuan an thawn a ni ngei tih finfiahna a awm loh chuan hrilhhriatna nungah (valid intimation) pawm theih a nih loh thu an sawi a. Section 48, BNSS, 2023 hnuaiah pawm theih a nih loh avangin, man(arrest) an nihna chu dan kalh niin, pawikhawihtua rinhlelh chu bail a chhuah tur a ni.Ni 20, July 2025 khan NDPS case-ah mi pathum man an ni a. Heng mi pathumte hi an trolly bag atangin ganja 75.4kg man a ni a. Sections 47 leh 48 BNSS hnuaia an chhungte hrilhhriatna chungchanga dan zawm tur chu police te’n an zawm lo niin an sawi a. Anmahni leh an chhungte hnena an man chhan leh man an nih thu hriattirna chu English-a ziah niin, anmahni leh an chhungte chuan English an hrethiam lo niin an sawi a. Tin, WhatsApp message-ah chuan hrilhhriatna an dawng ngei a ni tih nemnghehna engmah a awm loh thu an sawi bawk.He thubuaiah hian Justice Sanjeev Kumar Sharma chuan Section 48, BNSS chu zawm that a nih loh thu a sawi a. Court chuan an mi man te chu Rs.1 lakh bail bond pe a chhuah turin leh surety 2 nei turin a ti bawk. Court chuan Investigating Officer hnenah chuan an man chhan zawng zawng ziaka a pek hunah leh a hmaa a tih dik loh te sawifiahna a neih hnuah, remand dil theihna a pe a ni(www.jclalnunsanga.in)(He thubuai Bappi Sarkar & 2 ors. vs. State of Assam ah hian thubuai thehluttu tan Adv. AM Khan, Adv. TT Moni leh Adv. R Ali te an ding a, sorkar tan sorkar ukil a ding a ni)

Karnataka High Court Chuan Rahul Gandhi Laka Defamation Case Ziahluh Chu A Titawp

17/02/2026
Admin

Vawiin ni 17, February 2026 (Thawhlehni) khan Karnataka High Court chuan Congress leader Rahul Gandhi laka defamation case ziahluh chu a titawp. He thubuai hi Bharatya Janata Party (BJP) leader Keshav Prasad-an Rahul Gandhi, Karnataka Chief Minister (CM) Siddaramaiah leh Deputy Chief Minister DK Shivakumar laka a thehluh a ni a. 2023 Karnataka Assembly inthlanpui neih dawn khan, Congress Party te chuan advertisement leh campaign slogan-ah BJP-in contractor-te hnen atangin 40% commission an la thin niin an sawi a. Chung hunlai chuan BJP te chu Karnataka ruling party an ni a. Thubuai thehluhah hian BJP te chuan Chief Minister Basavaraj Bommai leh an party member thenkhatte chu Congress party-in tih hmingchhiat an tum thu an sawi a, heta tang hian Rahul Gandhi lakah hian defamation case hi a kal chho ta a ni. CM Siddaramaiah leh Deputy CM DK Shivakumar te chu June 1, 2024 khan bail-a chhuah an ni a. Rahul Gandhi chu June 7, 2024 khan bail-a chhuah a ni thung. Karnataka High Court chuan advertisement-ah hian Rahul Gandhi thlalak an hmang tih loh chu amah nen inzawmna a awm lo an ti a. Justice Sunil Dutt Yadav chuan Rahul Gandhi laka defamation case kal lai mek chu a titawp ta a ni(www.jclalnunsanga.in)

Allahabad High Court Chuan Khuh Damdawi Tam tham tak Mansak Avanga Thubuai Nei Mekte Bail Dilna a Hnawl

16/02/2026
Admin

Allahabad High Court chuan Codeine telna khuh damdawi tamtham tak dan phalloh a anlo kawl mansak an nih chungchang ah mi pahnih bail dilna chu a hnawl.Justice Ashutosh Srivastava chuan heti hian a sawi a:“Court ngaihdanah chuan dan in a hriatthiam chin a sawi chu a ziak ang tak leh a nihdan ang tak a zawm tur ani a. Dan in a sawi chin kalpel a chet na a awm anih chuan ngaihdamna a awm theilo a… He thil thlengah hian Codeine telna khuh damdawi danlo anga lo lakpen(kawl) tam tak an kut atang man a ni a, chuvangin ‘damlo in enkawlnan a hman’ tih chu a bawhchhia a, bail diltu te hi dan hnuai a hriatthiamna dawng thei an ni lo.”Applicant-accused-te chu Narcotic Drugs and Psychotropic Substances Act, 1985 (Sections 8/21) leh Bharatiya Nyaya Sanhita, 2023 (Sections 318(4), 338, 336(3) leh 340) hnuaiah thubuai awrh tir a ni a. Codeine telna khuh damdawi, bur 11885 vel bawm 119 a an dah chu car-a an load lain an man a ni.Thubuai neitu ten bail an dilna ah chuan damdawi zawrh phalna licence nei an ni a, damdawi zawrh tur a leina lehkha dik tak hmangin khuh damdawi chu an lei a ni tih an sawi. Criminal case anla neih ngailoh thu leh Drug Inspector chuan sample lak leh seal turin thuneihna a nei lo tih an sawi te bawk a ni.Court chuan ‘Codeine’ (Methyl-Morphine) leh a bawlhlo te chu Central Government Notification ni 14.11.1985 a Item No. 35-ah manufactured drug anga dah a ni a. dan chuan damlo in enkawl nan a hman anih a, vawikhat a mg 100 te te a ei chauh chu dan in a phal ani ati.Court chuan thubuai neitu te chuan chuan notification in hriathiamna a pek chin chu an bawhchhia a, chuvang in hriatthiamna dawng thei annilo ati.Bur 11885 vel lai mai khuh damdawi an kut atanga man a nih avangin Court chuan heti hian a sawi:“Thubuai awrhtu te/Puh te hi dik lo taka man a nih na lai kan hmulo a. Chuvangin tun hunah hian chuan chhuah lailawk na tur chhan tha a awm lo. An ukil in a sawi tamtak hi chu case a that chungchang a ni a, bail ngaihtuahna hunah hian ngaihtuah theih a ni lo. Tun hun ah hian chuan accused-te hian thiamlohna an neilo tia thuthlukna siam theih ala ni rihlo.”Court chuan heng a tawngkam hmang te hian thubuai ngaihtuah anih laia chhuah lailawk dil tute dilna chu a hnawl rih ani (www.jclalnunsanga.in)(He thubuai hi Abdul Qadir & Anr Vs State of UP a ni a. Applicant tan hian Sri SB Singh a ding a. State tan hian Sri Anoop Trivedi, Additional Advocate General leg Sri Nitesh Kumar Srivastava an ding a ni).

‘Kuta Inkhawih’ Ringawt Chu 'Criminal Force' A Ni Lo: Gauhati High Court Chuan IIT Professor Laka Sexual Harassment Case A Sut Sak

12/02/2026
Admin

Ni 5, February 2026 (Ningani) khan Gauhati High Court chuan IIT Professor lak a mipat hmeichhiatna khaihhnawiha hursualna thubuai (sexual harassment case) ziahluh chu a sut sak. Justice Sanjeev Kumar Sharma chuan ‘kuta inkhawih’ ringawt chu ‘force’ (‘tihluihna’) sawifiahnaah a tel loh thu a sawi a, chetze hmanga hmeichhe zahawmna tibawrhban emaw Section 354 IPC hnuaia ‘criminal force’ anih loh thu a sawi. Bench chuan section 349 IPC hnuaia “force” hrilhfiahnain a huam chin sawifiah a, Court chuan section 349 hi uluk tak a kan chhiar chuan, mipain thiltih chu “force’ ni tur chuan a chetlak dan, a chet kual dan leh a chekual lai chawlh tir dan chuan a taksa pum a huam tur a ni a, taksa thenkhat lai chiah ni lovin tiin an sawi. Hursualna kawnga tihbuaina tawktu chu tihluihna hmanga chesawn tur a tih emaw, a kal tumna lam ni lova che sawn tura tih emaw, che sawn lo tur a tih emaw anih loh chuan ‘force’(‘tihluihna’) a hmang ang a sawi theih a ni lo. Inkhawih/insik ringawt chu Section 349 IPC huamchhungah rinluh theih a nih loh thu an sawi a ni.Court chuan Professor lakah hian thubuai thehluttu tel ngeiin departmental enquiry an nei tih a hmu a, enquiry an neih zawh chuan professor puhna te chu thu tling lo niin an ngai a, innghahna mumal a neilo niin an hmu a ni. Department chhunga chhuichianna atanga an thutluknaah chuan lungngawi lovin, phuba lakna atan FIR a thehlut niin Court chuan a hmu a. Court chuan professor laka thubuai kal mek chu a titawp ta a ni(www.jclalnunsanga.in)

Hmeichhe Thi Neih Laia Hlawh Neia Chawlh Phalna Chungchang Chu Kerala High Court Chuan Thu Pawimawh Tak A Ni A Tiin Ngaihtuah Zui Turin A Dah

12/02/2026
Admin

Vawiin ni 12, February 2026 (Ningani) khan Kerala High Court chuan Kerala State Road Transport (KSRTC) te’n paid menstrual leave policy (hmeichhe thi neih laia hlawh neia chawlh phalna dan) an neih theih nan sawrkarin a ngaihtuah thei em tih a zawt a. Justice Nagaresh chuan he thubuai hi thu pawimawh tak a ni, tiin a tarlang.Thubuai thehluttu chuan KSRTC conductor-te hian ni khatah darkar 14 atanga 16 hna an thawk thin thu a sawi a. KSRTC a hmeichhe conductor te chuan an thi neih laia ni hnih hlawh nei a an chawlh theih nan kaihhruaina pe turin a ngen bawk. KSRTC lam erawh chuan Kerala Service Rules (KSR) in hlawh nei chunga thi neih chawlh lak theihna chu a tarlan loh thu a sawi. Hemi chungchang hi chu sawrkarin kaihhruaina an siam a ngai a ti bawk.Thubuai thehluttu chuan sawrkar hnenah kaihhruaina siam turin an ngen thu a sawi a. Paid menstrual leave policy chu Karnataka, Orissa leh Bihar-ah te hman a nih thu a sawi a. Court chuan sorkar ukil hnenah chuan an thusawite chu sorkarin an ngaihtuah thei em tih zawt chiang turin a ti bawk. He thubuai hi kar hnih hnu a ngaihtuah leh tura dah a ni(www.jclalnunsanga.in).(He thubuai Asha S.S. and Ors. v. The State of Kerala and Ors. ah hian thubuai thehluttu tan Advocate Anil Kumar, M.Sivaraman, Lakshmiree P.S. te an ding a, a leh lam tan Deepu Thankan a ding)

Kerala High Court Chuan School-Ah Zirlai Laka Thunun Na Lekkawh Tura Hremna Na Lo Lekkawh Hi Thil Sual A Ni Lo A Ti

11/02/2026
Admin

Kerala High Court chuan school-ah zirlai laka thunun na lekkawh tura hremna na lo lekkawh hi Juvenile Justice Act leh Bharatiya Nyaya Sanhita (BNS) hnuaiah thil sual a ni lo tih a sawi. Justice C. Pratheep Kumar chuan school-ah zirlai tiang hmanga a vuak avanga zirtirtu pakhat chungah criminal case kal mek chu a tih tawp sak.Prosecution lam thil sawi dan chu, thubuai a neilai zirtirtu hian zirlai pakhat chu a mawng ah tiang in a vua a, hliam a siam a ni tih a ni. He thil avang hian Section 118(1) BNS leh Section 75 JJ Act hnuaiah thubuai ziahluh ani.Zirtirtu chuan High Court ah a zual ko a, a thubuai kalmek chu a thuneihna hmanga tihtawp sak tur in a ngen a ni. Petitioner (zirtirtu) chuan Section 118 BNS hnuaia a chunga hremna lekkawh a nih theihloh na chhan chu a zirlai a vuakna hmarua tiang chu hmanraw hlauhawm zinga chhiar theih anilo ani ati a. Court chuan he thu hi a pawm a. Court-in a sawi dan in:"Petitioner-in a zirlai a vuakna nia an sawi chu tiang a nih avang in, BNS Section 118(1)-a hmanraw hlauhawm tih hrilhfiahna hnuaiah a tel lo a. Chuvangin, petitioner hi Section 118(1) BNS hnuaiah hrem theih ani lo."Court chuan zirtirtuin zirlai chunga hremna a lekkawh theih chin tunhma a thubuai rem a loh nih tawhna hrang hrang a anlo sawi tawh te a en a. Court chuan Jomi v. State of Kerala case hi behchhan tlak ah a ngai a. He case-ah hian zirtirtuin thil sual tumna nei lova, zirlai thatna leh a hmasawnna atan chauh a hremna a pek chuan, JJ Act Section 75 hnuaiah sual a ni lo tih a sawi.Court-in a sawi dan chuan"Zirlai pakhatin school dan zawm lo emaw, tha takin awm lo emaw a nih chuan, zirtirtuin a nungchang leh awmdan siamthatna atan hremna a pek chuan, Court chuan he hremna hi thil tha tumna nei a ni em tih a thlir tur a ni. Zirtirtu chuan zirlai siamthat a tum nia a hriat chuan, zirtirtu chuan hrem turin thuneihna a nei ani. Finfiahna awm angin, petitioner hian school chhunga in thununna a awm theih naturin hremna nalo tak chauh a hmang a, zirlai hliam siam tumna emaw, a sual vanga hrem anih na lai hmuh a ni lo." a ti.Chuvang chuan, Court chuan zirtirtu dilna chu a pawm a, a chungah thubuai kal mek chu a thiah ta ani.Case No: Crl.M.C. No. 7868/2025Case Title: Sibin S.V. v. State of Kerala and Anr.

DISCLAIMER