DISCLAIMER

 1.⁠ ⁠Mizo ten dan leh hrai chungchanga  an lo bengvar nan leh thudik rintlak an hriat theih nan he website hi siam a ni a. 

2.⁠ ⁠Mizo ten Court rorelna kan hriat fiah leh hriat chian tawk loh avangin harsatna kan tawk thin a. Court rorelna leh dan te hi English a ziak a nih avangin mi nawlpui te tan hriat thiam a har thin a. English a in ziak te chhiar tur tam tak national news a a awm laiin mahni tawng ngeia kan lo hriat ve nan thuthar ber berte tarlan a ni ang. 

3.⁠ ⁠Mizo mipui ten kan hriatthiam tlan theih dan tur berin Supreme Court, High Court leh District Court te mipuite hriat tura pawimawhte a  rang thei a i chhiar theih tura lo chhawp chhuah  hi kan tum a ni. 

(The Bar Council of India does not permit advertisement or solicitation by advocates in any form or manner. By accessing this website, www.jclalnunsanga.in, you acknowledge and confirm that you are seeking information relating to JC Lalnunsanga, Advocate & Legal Consultant  of your own accord) 

Exit
Delhi Excise Policy Thubuai Justice Manoj Jain Hnenah Sawn A Ni; Arvind Kejriwal leh AAP Hruaitu Dangte Criminal Comtempt Thubuai Justice Navin Chawla Leh Justice Ravinder Dudeja Ten Ngaihtuah Dawn

Delhi Excise Policy Thubuai Justice Manoj Jain Hnenah Sawn A Ni; Arvind Kejriwal leh AAP Hruaitu Dangte Criminal Comtempt Thubuai Justice Navin Chawla Leh Justice Ravinder Dudeja Ten Ngaihtuah Dawn

  • Admin
  • Share

Delhi Excise Policy thubuai ngaihtuahtu judge, Justice Swarana Kanta Sharma chu ni 15 May, 2026-a a inhnuhdawh hnuah, he thubuai hi Justice Manoj Jain-a ngaihtuah turin sawn a ni ta a. Tin, Justice Swarana Sharma’n AAP hruaitu hrang hrang- Arvind Kejriwal, Manish Sisodia, Durgesh Pathak, Sanjay Singh, Vinay Mishra, leh Saurabh Bharadwaj te laka contempt thubuai a siamsak chu Delhi High Court Division Bench, Justice Navin Chawla leh Justice Ravinder Dudeja te ngaihtuah tur a tih a ni bawk. He contempt (court zah lohna) thubuai hi kar leh thawhlehni vela ngaihtuah theih tur a beisei a ni.

Ni 27 February, 2026-a Delhi Excise Policy thubuaia trial court-in Kejriwal leh midang 22-te a chhuah zalen hnu khan, CBI chuan Delhi High Court-ah appeal lehin, he appeal thubuai hi Justice Sharma chuan a ngaihtuah a. March 9 khan, Justice Sharma hian CBI ngenna chungchangah hian hriattirna chhuahin, chumi rual chuan thubuai chhuitu CBI officer chunga departmental proceedings kalpui tura trial court thuchhuah chu a lo stay sak a. Trial court thil hmuh chhuah ṭhenkhatte chu dik lo a awm nia a hriat thu sawiin, PMLA hnuaia hmalaknate chu lo chawl rih turin thu a lo chhuah bawk.

Hemi hnu hian, Kejriwal leh thubuaia tel dangte chuan rorelna dik tak a thleng thei dawn lo ni a hriain, Justice Swarana Sharma-i chu thubuai ngaihtuahtu atanga inhnukdawk turin an ngen a. Kejriwal-a chuan Justice Sharma-i fate chu Central sorkar tana panel counsel an nih thu leh AAP dotu pawl hrang hrangte thiltihkhawmnaa a tel thin thu a sawi lang bawk. Justice Sharma hian April 20 khan inhnukduk tura an ngenna chu a hnawl a, thubuai ngaihtuah zui zel chu a thlang a. Hemi hnu hian thubuaia tel ṭhenkhatte chuan thubuai ngaihtuahna chu an boycott zui ta a ni.

He excise policy thubuai hi kum 2022 a, CBI-in Delhi Excise Policy 2021-22 chu zu zuartu hlawkna tura thlak danglam a ni tiha FIR an ziah luh atanga intan a ni a. CBI chuan AAP hruaitute hian policy siamremna kaltlangin thamna (kickbacks) an dawng ngei tih a sawi a. Enforcement Directorate (ED) pawhin he thila sum thianghlim lo hman (money laundering) thubuai a file zui bawk. Kumin February thla khan trial court chuan he thubuaia a case neite zawng zawng hi a lo chhuah zalen tawh a, mahse CBI chuan he thutlukna hi Delhi High Court-ah a khing let (appeal) leh a ni(www.jclalnunsanga.in)

Recent Post

Environmetal Laws Chungchanga Pi Vanramchhuangi PIL Thehluh Gauhati High Court Aizawl Bench-in Ngaihtuah; PIL Thehluha Thu Thlen Chu A Chian Loh Thu Leh A Huap Zau Lutuk Niin Court Chuan An Sawi

Environmetal Laws Chungchanga Pi Vanramchhuangi PIL Thehluh Gauhati High Court Aizawl Bench-in Ngaihtuah; PIL Thehluha Thu Thlen Chu A Chian Loh Thu Leh A Huap Zau Lutuk Niin Court Chuan An Sawi

Salman Khan-a Leh A Thenawmpa Social Media-a Intihbuaina Chungchangah Bombay High Court Chuan Dan Chungchanga Intihbuaina Chu Social Media-ah Ni Lovin Court-ah Chinfel Tur A Ni Tiin An Sawi

Salman Khan-a Leh A Thenawmpa Social Media-a Intihbuaina Chungchangah Bombay High Court Chuan Dan Chungchanga Intihbuaina Chu Social Media-ah Ni Lovin Court-ah Chinfel Tur A Ni Tiin An Sawi

Mizorama Open Correctional Institutions Din Tura Sorkar Hmalak Tawhna Gauhati High Court, Aizawl Bench-ah Ngaihtuah A Ni; Tun Dinhmunah State Monitoring Committee Din A Ni Tawh

Mizorama Open Correctional Institutions Din Tura Sorkar Hmalak Tawhna Gauhati High Court, Aizawl Bench-ah Ngaihtuah A Ni; Tun Dinhmunah State Monitoring Committee Din A Ni Tawh

Supreme Court Thutlukna Bawhzuina Kal Zelah Palak Dil Humhalhna Chungchang Gauhati High Court Aizawl Bench-ah Ngaihtuah A Ni

Supreme Court Thutlukna Bawhzuina Kal Zelah Palak Dil Humhalhna Chungchang Gauhati High Court Aizawl Bench-ah Ngaihtuah A Ni

Bawngkawn-Durtlang Leitan Inkar Kawnga In Sak Thar Khapna Thupek Bawhchhiatna Thubuai Gauhati High Court Aizawl Bench-in Ngaihtuah

Bawngkawn-Durtlang Leitan Inkar Kawnga In Sak Thar Khapna Thupek Bawhchhiatna Thubuai Gauhati High Court Aizawl Bench-in Ngaihtuah

Tags

Copyright JC Lalnunsanga