Bombay High Court chuan Supreme Court-in zirlai attendance tlem te tana humhimna a siam chu State tin leh semester hrang hranga Law zirlaite tan a hman theih vek a ni tiin an pawm. July 21, 2026-a Supreme Court thutlukna siam hi final-year zirlaite chauh emaw, a hmaa court-a lo zualko tawh te chauh huam tir theih a ni lova. High Court chuan college leh university-te'n Supreme Court thutlukna hi a huam chin ti tlem zawngin eng dan mah an zam belh a thiang lo a ti bawk.

He thubuai hi ILS Law College, Pune-a law student 41, attendance a 46% leh 54.37% inkar chauh an hmuh avanga semester exam hmachhawn thei lo te chungchang a ni a. Zirlaite hian Sushant Rohilla thubuai-a Delhi High Court thutlukna siam chu an rinchhan a. Supreme Court chuan a tirin chu thutlukna chu a stay phawt a, a hnuah tun academic session 2025–26 kal meka zirlaite tan venhimna a pek hnuin, Bombay High Court chuan heng venhimnate hi a hmaa zirlai lo awm tawh zawng zawng te pawh a huam thu an tarlang bawk.

High Court chuan he humhimna hi Delhi High Court thutlukna chu ram pumah a hman theih vang lama ni lovin, Article 142 hnuaia Supreme Court-in July 21-a thutlukna a siam tawh hi India ram pum a hman theih vek a nih avang zawk a hmang a ni tiin a hrilhfiah bawk. Chuvangin, zirna in hrang hrangte hian State leh Semester hrang hrang zirlaite chungah a hrana dan an siam belh a thiang lo tih sawiin, Court chuan zirlai interim relief pek loh te tan hian chawlh kar 6 chhungin supplementary exam buatsaih sak nghal tura hriattirna a chhuah tel bawk(www.jclalnunsanga.in)

(He thubuai hi Aniruddha Gaurav Gursal & Anr. v. State of Maharashtra & Ors. (Writ Petition No. 6027 of 2026 with Interim Application No. 5058 of 2026) a ni a Thubuai thehluttu tan hian Adv.Dr. Uday Warunjikar leh Adv. Amrut Joshi te an ding a. A leh lam tan hian Shailendra Kanetkar, Rajendra Anbhule leh ukil dangte an ding)