April ni 30,2026 khan Karnataka High Court chuan India danpui hnuaia rorelna dik (fair trial) pawimawhna thutlukna pawimawh tak a siam a; Kannada lemchan thiam Darshan Srinivas-a Renukaswamy tualthahna thubuai chungchanga "media trial" awm nia hektu complaint lakah hma la turin Union Ministry of Information & Broadcasting (MIB) leh Ministry of Electronics & Information Technology (MeitY) te chu a hriattir a ni.

Justice Sachin Shankar Magadum-a chuan April 30-a a thupek chhuahah chuan Cable Television Networks (Regulation) Act, 1995 hnuaia Programme Code chu he thupuan hian a bawhchhia em tih endik hi he sub-ministry pahnihte lakah hian dan hmanga mawhphurhna (statutory obligation) a ni tih a sawi. Prima facie breach hmuh a nih chuan, thuneituten Act chhunga Section 19 leh 20 hmangin hma an la tur a ni a, hemi chhungah hian hetiang thuziak/thupuan thunun te, tihtawp (suspend) te, emaw khap te a tel a ni. Court chuan hma la tur hian kar ruk chhung hun a bituk a, compliance report erawh kar sawmhnih-pahnih chhunga thehlut turin a ti a ni.

He thutlukna hi "media-driven adjudication" (media-in thutlukna a lo siam khalh) a sawisel na tak vanga chhinchhiah tlak a ni a. Freedom of speech hi danpuiin a ngaihhlut em em a ni tih nemnghet nawn mah se, hei hian criminal trial la kal lai meka thiam loh chantir lawkna thleng a huam thei lo tih court chuan a sawi a. Media-in "roreltu, jury leh hremna petu" nihna a chan hian, Rule of law a tichhe thei a, rorelna kalphung a tichhe bawk a ni tih a hmu a ni.

Court chuan thupuan hrang hrangte chuan Cable Television Networks Rules, 1994 hnuaia Programme Code Rule 6, a bik takin mi hmingchhiatna, hmuhsitna, emaw sawichhiatna thlen thei laka khapna dante a bawhchhia niin a hmu a. Hetiang thiltihte hian Contempt of Courts Act, 1971 leh Information Technology Act, 2000 hnuaiah pawh hremna a thlen thei a ni tih a sawi.

He thubuai chhunga thil chhinchhiah tlak tak pakhat chu, media hrang hrangten court chhunga rorelna kalphungte lemchanna hmanga an tichhuak kherte, trial kal lai mek mipuite hmuha thil hmuhnawm pui pui anga an chhuah hi court chuan a pawi ti hle a ni. Hei hian "parallel narrative" (thuziak dangtlawn) a siam a, thubuaia mi a thiam lohna finfiah a nih hma chu "sualna nei lo" (presumption of innocence) anga ngaihna, Article 21-in rorelna dik a lo intiamna pawimawh tak chu a tichhe thei a ni tih court chuan a sawi a ni.

Kum 33 mi Darshan-a, a thattu-a puh chuan  January 2026-a complaint a thehluh, television leh digital platform hrang hranga mi tihmingchhia thei tur link 1,000 zet a tarlan chu thuneituten engmah an tihzui loh na chu court ah a thehlut a. A lungawi lohna hi pawmsakin, court chuan thuneituten hma an la lo hi thil dik lo leh duhsakna neihna (doctrine of legitimate expectation) bawhchhiatna a ni tih a hmu a ni.

Court chuan ram dang rorelna kalphung, Sheppard v. Maxwell (1966) te pawh thai langin, criminal trial-te chu "carnival atmosphere" anga siam thei lakah a hriattir a. Trial hmaa mi chanchin vawrh lar leh thiam loh lo chantir ringawt hian rorelna kalphung a tichhe mai piah lamah, roreltute thlirna pawh a tikhawlo thei a ni tih a sawi bawk a ni(www.jclalnunsanga.in)

(He thubuai hi Writ Petition No.7473 of 2026, Darshan Srinivas Vs Union of India & Ors a ni a. Thubuai thehluttu tan hian Advocate Pratham N a ding a. Sawrkar tan hian Additional Solicitor General Aravind Kamath a/w CGSC M.N Kumar-te an ding a ni.)