Meghalaya ukilte chuan court hnathawh boycott-in Shillong-ah  Protest an nei a, An state Advocate General Amit Kumar-a banna thehlut tura phutin sawrkarin ban turin an ngen.

Nimin ni 27 August  khan Meghalaya pum pui a ukilte chuan court hnathawh  boycott-in Shillong kawtthlerah an hna kalsanin an protest. State pum pui a an protest  hi khawpui pui ber Shillong mai bakah Tura Bar Association te pawhin High Court of Meghalaya Bar Association (HCMBA) leh Shillong Bar Association (SBA) te hma lakna tlawpin court hnathawh te an boycott a, case engmah a kal thei lo.

An buaina chhuah tanna ber chu Kumar-a'n legal profession-a hmeichhia te himna chungchang courta thlenngeia a thu sawi nia sawi chungchang a ni.  August ni 24 khan  bar association te general body meeting chuan Chief Minister Conrad K Sangma hnenah Kumar-a ban turin an ngen.  

Amit Kumar-a chuan an state aiawh tura a duhsak zawng  Delhi lam mi an ruai thin chu an lungawi loh thu an sawi a, an state dan leh dun leh kalphung hre berte aia Delhi lam ukil Kumar an a duhsak zawng te an ruai chu an lungawi lo tih an auchhuak a. A  fapa, Supreme Court-a State aiawh tura a ruat chungchang te pawh an tarlang a. Heng an state mi ni lo an rawiha sum tam tak an senna te pawh RTI hmangin an dil. 

An CM duhsak zawng a ni a, an CM Sangma, “Meghalaya-in Amit Kumar Advocate General atan an nei hi kan vannei hle” ti a a sawi chu an ui lo in an duh loh thu an tarlang.  Hnam dang mi state pawn lam atanga rawih Amit Kumar hi ban a nih hma chu an lungawih lohna lan tir an tum.