Supreme Court chuan ni 8, December 2025(Thawhtanni) khan Catholic Bishops Conference of India in Rajasthan Prohibition of Unlawful Religious Conversion Act, 2025  chungchangah writ petition a thehluh thu hriattirna a pe a. He thubuai hi ni 23, January 2026(Zirtawpni) a ngaihtuah tura dah a ni. Rajasthan Prohibition of Unlawful Religious Conversion Act, 2025 kawihhnawiha thubuai thehluh dangte nen ngaihtuah tlan tur a tih a ni a.M Huzaifa and Anr v State of Rajasthan & Ors [W.P.(C) No. 1047/2025], Dashrath Kumar Hinunia v. State of Rajasthan [W.P.(C) No. 1044/2025, Peoples Union for Civil Liberties v State of Rajasthan [W.P. (C) No. 1126/2025 leh Jaipur Catholic Welfare Society v. State of Rajasthan [W.P.(C) No. 1108/2025] Justice Vikram Nath leh Justice Sandeep Mehta te thubuai ngaihtuahlai nena ngaihtuah tlan a ni ang.

Solicitor General Tushar Mehta  chuan Division Bench, Justice Dipankar Datta leh Justice AG Masih te hnenah chuan Uttarakhand, Himachal Pradesh, Madhya Pradesh, Rajasthan, Gujarat leh Uttar Pradesh ah te anti-religious conversion Act kaihhnawih thubuai kal lai mek a awm thu a hrilh a, thubuai inang an nih thu a sawi a. Hei vang hian Court chuan thubuai hote chu Bench pakhata ngaihtuah tlan turin a ti ta a ni.

Thubuai thehluh chungchang:

He thubuai thehluhah hian Section 5(6), 10(3), 12, leh 13 te chu  abik takin a sawi lang a, he dan hian ‘unlawful religious conversion’ kaihhnawihah an thiamlohna tihchian a nih hma hauhin  thuneihna kengkawhtute chu mimal in leh lo leh thil neihte chu hren sak emaw tihchhiat sak theihna emaw a neih tir, tiin an sawi a.

Rajasthan Prohibition of Unlawful Religious Conversion Act, 2025 hnuaia Section 5(6) hian dan lo anga sakhaw danga inlehna a awmin, sakhaw danga inlehna atana an hman in leh lo chu tlan chhuah leh tura lak sak theih an nih thu leh District Magistrate emaw State Government-in a an rawih, gazetted officer-in chhui chianna a neih chu pawm anih hnuah lak sak theih a ni.

Section 10(3) hian institution emaw organization emaw in he dan an bawhchhiat chuan an state chhunga eng thil mah ti thei tawh lo turin, State Government emaw thuneihna kengkawh tura ruat emaw chuan an registration emaw an license emaw chu a tihtawp sak theih thu a sawi.

Section 12 chuan in leh lo engpawh emaw a chhehvel emaw dan lova sakhaw danga inlehna hmun atana an hman chu chhui chianna neih a nih hnuah District Magistrate emaw sorkarin thuneihna kengkawh tura a ruat chuan  tlan chhuah leh theih tura a lak sak theih thu a sawi a.

Section 13 chuan dan kalha in sak, dan kalh a sakhaw danga inlehna atana an hman chu tih chhiat theihna a pe bawk .

Hemi mai bakah hian institution emaw organization emaw te bank account chu tihchet theih lova dah sak theih a ni a, an in leh lo te chu lak sak theih a ni bawk,  dan kalha che chu vaibelchhekhat chawitir tur an ni bawk.

Thubuai thehluttute hian hetianga in leh lo tihchhiat theihna leh a huhoa hremna hian India Danpui Article 14, 21, 22 leh 300A te a kalh thu an sawi a. Trial neih hmaa in leh lo tih chhiat leh lak sak theihhna thuneihna kengkawhtute pek hian dan lalna(rule of law) leh thuneihna insem(separation of powers) chu dan lo anga a luahlan daih thu an sawi a ni.

Thubuai kal lai mek te:

Tun a thubuai kan sawi lai zing ami hi Citizens for Justice and Peace in a an thehluh a ni a, hetah hian UP anti-religious conversion Act chu an khinglet a. Hemi zawhah hian Jamiat Ulema-i-Hind chuan UP anti-conversion Act chu a khinglet ve leh a ni.

Kum 2024 a hemi chungchang thubuai ngaihtuah a nih khan , Supreme chuan tawngkain UP anti-conversion law chhunga dan thenkhat chuan India Danpui Article 25 chu a kalh thu a lo sawi tawh a. Kumin vek khan sakhaw danga a huhova inlehtirna chungchanga puhna avanga Sam Higginbottom University of Agriculture Technology and Science (SHUATS), Prayagraj, Vice Chancellor leh thuneitu dangte chunga thubuai thehluh a,  FIR a sut sak hnu chuan Uttar Pradesh Prohibition of Unlawful Conversion of Religion Act, 2021 chuan sakhaw dang vuan duh te tan zawm theih loh tawp tur dan a siam a ni, tiin a lo sawi tawh bawk.Madhya Pradesh, Haryana, Gujarat leh  state sorkar dangte’n a  sakhaw inlehna dan an siam chungchanga PIL hrang hrang thehluh a ni tawh bawk(www.jclalnunsanga.in)

(He thubuai Catholic Bishops Conference of India vs. The State of Rajasthan W.P.(C) No. 1187/2025 ah hian thubuai thehluttute tan Senior Advocate Romy Chacko, AOR Alex Joseph leh ukil dangte an ding a, Rajasthan sorkar tan Solicitor General of India Tushar Mehta, Additional Advocate General Shiv Mangal Sharma leh AOR Nidhi Jaswal te an ding a ni.)