Case Hearing Ngaithlatu Missionary Pu FP Lalthathanga Thu Post

Pu FP Lalthathanga hi Lalnunpuia Bailor a ni a, Mt Carmel School a thawk thin niin Roing ah hian BCM Missionary tangkai tak a ni. Tunah chuan Longding lamah transfer a ni. He a thu post hi AP Far East Chanchin Ngaihventute Whatsapp Groupa a Post lak chhuah a ni, kohhran leh Pathian mite tawngtaina chhanin a awm zia tih chian nana a phalna a tarlan a ni.

"He kan case chungchangah hian Pathian min hruaina hi chiang lutuk a. Ka testimony thar hi Case zawhfel a, sawi atan ka khek nain, ka insum hlen thei ta lo a ni ber.

Isaia 59:1 ah khan Pathian chu min chhandam thei lo tura kut tawi anih loh thu leh amah kan auhna aw hre thei lo tura bengngawng a nih loh thu kan hmu a. Hei hi he case ah hian a takin a chiang a ni. Pu Jca @⁨JC Lalnunsanga⁩ Pathianin a rawn tir hi kan va lawm tak em!

A chipchiara ziah dawn chuan a thui dawn a chuvangin chhiar awlsam turin a tawi thei ang berin ka han kai tawi ang a, duh tawka sawi zau erawh ka chak a ni.

1.⁠ ⁠Judge te hian Case min siamsak hi an tum a, buaina kan tawh laia Judge (tuna mi hi a ni tawh lo) pawh kha kan lakah a luhluin, Jail atangin a hunah pawh min chhuah duh lova, chhuanlam awm thei ang ang an zawng a ni ber. Ni 60 aia rei tan theihloh a nih laiin ni 79 naah min chhuah chiah.

2.⁠ ⁠Judge thar hnuaiah pawh hian Pu Jc-a hova kan inlan hmasak ber tum pawh khan Judge khan, "Lalnunpui, I charge you.." a ti fel hman tawh a. Pu Jc-a'n thahnem ngai takin a hnial leh a, Case IO te ko leh phawt a, Trial mai lo turin a hmin leh thei hram a.

3.⁠ ⁠A vawi hnihna ah Case IO leh SPP (lehlam Ukil) te koh an ni nain an rawn lang lova. Hetah hian Judge pawhin Pu Jc-a pawh, a lehpekah chuan rawn kal kher a ngai tawh lova, lehlam pawl ka ngaihthlak hun a ni a, duh leh online in i rawn ding dawn nia a ti a. Chuti chung chungin Case tihtawp theihna hun tha tiin Pu Jc-a hi a rawn kal leh (talh) a ni.

4.⁠ ⁠A vawi 3-na ah pawh hian SPP in Judge sawmna angin a han present a, Case kalpui tur hian Judge te thleng hian an hmin a tih theih a ni ber mai. Kan lam pawh min ngaihthlak hmain, "Let's frame..." a ti leh hman bawk a. Chutah Pu Jc-a rawn tawng velehin a rawn hnial ta a. Pathianin finnain a thuam a, judge hmaa sawi tur Case a zir chianna phek 80 zeta chhah a rawn buatsaih bawk a. Chuti chungin he order a kan hmuh Section 19 leh 21 inkaihhnawihna ber mai hi, ama tawng takin chawp leh chilhin ka rilruah a lo awm a ti. Hemi hmang a han hnial leh ta a, chubakah a lo inbuatsaih tha ngang bawk a, Court sang zawkin kan case ang chiaha keimahni lam tana tha tur zawnga thutlukna an lo siam tawh te chu chiang takin a han sawi chhuak siah siah bawk a. Tichuan, Judge thinlung chu Pathianin a min hnehsak ta a ni ber e. A rilru thlakin, SPP hnenah chuan "No Case..." tiin min zial fel sak ta a, hnukulh hrawk tawt tunin Court room kan chhuahsan a, hmun hla pan pawh kan nghak hman lo, Court verandah ah tawngtairualin lawmthu kan sawiho a ni.

Hengah hian Pathian hnenah ropuina leh chawimawina awm se, chubakah Pu Jc-a thahnemngaihna hi sawi hmaih theih a ni lo. Pathian hmanrua a va ni chiang tak em!

Case dang la awm pawh hi tawngtai fan fan ila, Pu Jc-a pawh Pathianin finna thlarauva a thuam ngei theihnan dilpui leh ila, kawng bumboh leh harsa taka a zatve min hruai thlengtu hian a tawp min thlenpui ang a, min hruai chhuak ngei dawn a ni tih hi ringhlel hauh lovin, amah i au zel ang u"

Case Story

Ni 5, October 2026 khan Mount Carmel Mission School (Baptist Church of Mizoram te enkawl), Roing Principal leh hostel warden ni bawk, Lalnunpuia chu Protection of Children from Sexual Offences (POCSO) Act hnuaia an school-a kum tlinglo hmeichhe naupang te chunga hursualna thleng chungchanga an puhnaah, Special Judge, POCSO, Tezu chuan a thiam lohna a awm lo tiin thuhretu ko a kal zelna chhan a hmuh loh avangin case bul tanna ah thiam chantirin a a chhuah zalen a ni.

He thubuai hi Mount Carmel Mission School, Roing-a pawikhawihna thleng atanga intan a ni a. Zanlaiah hmeichhe hostel-ah hian mipa pakhat chu lut ru in, hmeichhe naupang kum tlinglo tam tak chungah hursualna kawnga pawikhawihna a thlen a. Principal chu ni 20.07.2025 ah man niin thubuai siam sak a ni.

Kum khat dawn investigation tih a nih hnu July thla ah a case zial fel in Chargesheet court ah thehluh chauh a ni a. Sawrkar ukil Special Public Prosecutor chuan school hotute chu Mt Carmel chu naupangte venhimna ngaihthah avangte, school Principal chu hostel-a lut ru leh naupang khawih chhiat an nih thu hrilh a nih tawh hnu a, an nu leh pa te hrilh vat lo a, Police-te hnena rang taka a report loh avangin leh an sawisak hlum tak te nena inthurualna an neih avangin POCSO Act hmanga Police te chhuina anga thuhretute ko a, hremna pe turin a ngen a.

Lalnunpuia tana ding ukil chuan hmeichhe naupang khawih chhiatnaah inhnamhnawihna Lalnunpuia an a neih loh thu leh darkar 24 chhungin FIR thehluh a nih thu sawiin case tih tawp a dil a.

Lalnunpuia chu a ukil kaltlanga POCSO Act hnuaia thubuai siamsaka, thuhretu te koh a rorelna hmachhawn theihna tur thu tling leh finfiahna a awm lo tih a sawi chu Court chuan a pawm a. Court chuan Lalnunpuia chu thubuai zawng zawngah thiam lohna a nei lo tiin thuhretu koh buaia a case kal zel ngaihna chhan awm lo tiin thiam a chan tir ta a ni.

Lalnunpuia, (Warden/Principal Mt Carmel Mission School) hi case pahnih siam sak a ni a. A hmasa zawk FIR No.40/2025 chu school a naupang khawih chinpenna-a avanga case a ni a. Hetah hian school hi naupan venhimna pek that loh avang leh naupangin hetiang lam thleng thin warden te hrilh pawha sawi chhuak lo tura an tih avang case a ni a. A pahnihna bik FIR No.43/2025 chu school lamin heng thil thleng ngawihbo pui an tum avanga puhna case a ni. Case pahnihna hi tun hnaiah investigation kum khat dawn kalpui a nih hnuah charge-sheet court-ah theh luh leh a ni.