Supreme Court-in 3 Year Practice Rule Chu Hman Chhunzawm A Nih Tur Thu Sawi Nawn Leh

Ni 13, March 2026 khan Supreme Court chuan Civil Judge(Junior Divison) exam thei tur a, kum thum practice hmasak tawh tur (three-year practice)  tia thutlukna a lo siam tawh chu hman chhunzawm tur a nih thu an sawi a; ngaihtuah ngai ber zawk chu a kalpui dan tur a nih thu an sawi. A kalpui dan tur chungchang hi karleh lamah an ngaihtuah leh tur thu an sawi a ni.

Chief Justice Surya Kant, Justice Augustine George Masih leh Justice K. Vinod Chandran te thutna bench chuan Civil Judge (Junior Division) post ruak hnawhkhahna tur chu state hrang hrangah kalpui mek zel a nih avangin, dilna chu April 30, 2026 thlenga pawtsei turin an hriattir a. Chief Justice Surya Kant chuan he dan hi Supreme Court thutlukna hmasa atanga lo awm anih thu leh an thutlukna chu zah tur anih thu an sawi  bawk. CJI  chuan Judiciary an zawm hmaa 3 years experience an neih a ngaih nachhan chu  candidate te’n courtroom kalphunga tawnhriat tha an neih theih nan leh hemi kawnga puitlinna an neih theih nan a nih thu a sawi bawk.

He thubuai hi May 20, 2025 a Supreme Court-in Civil Judge (Junior Division) exam thei tur a three-year practice rule a lo siam tawh chu ennawn tur a dilna a ni a. He thubuai an ngaihtuah lai hian Bench chuan  High Court, law university leh lawyer hrang hrang te ngaihdan an lakkhawm chu an sawi ho a. High Court tam takin he dan hi tha an tih laiin, a then erawh chuan hmeichhia leh pianphunga harsatna nei te tana ngaihhnathiamna nei turin an ti thung.  Nimahsela, Chief Justice chuan hmeichhia leh pianphunga harsatna nei te tan a ngaihhnathiamna neih bik chu tih theih a nih loh tur thu a sawi a. Tin, law graduate tam tak, a bik takin law school tha ber ber atanga chhuak te chuan judiciay exam lova, corporate lamah an kal daih theih chungchang Court hnena an an thlen chu an ngaihtuah bawk. Thubuai thehluttute chuan he dan hian mi rethei zawk te tan harsatna a siam nasat tur thu an sawi a ni(www.jclalnunsanga.in)

(He thubuai  hi Bhumika Trust v. Union of India leh a kaihhnawih case dangte a ni)