MP High Court-a PIL Thehluh Chuan Kawngpui Siamthatna Atana Hmanrua-te chu Enpui Turin Court a Dil
- Nov 14, 2025
- JC
Madhya Pradesh High Court chuan November ni 10, 2025 khan Public Interest Litigation (PIL) thehluhah sawrkar lam insawifiahna a pe chhuak. He PIL hi Rajendra Singh thehluh niin state puma kawngpui dinhmun chhe lutuk leh vantlang tana nitin kalna chu nunna tana hlauhawm a nih thu a sawi a.
Kawngpuite chu a a rualrem lovin khuar nasa hle a ni a ti.
Thubuai thehluttu hian court hnenah thuneitute chu kawngpui siamthatna atana hman tur hmanrua te chu uluk taka en pui turin a ngen a. Contractor-te chuan hmanrua tlawm leh tha lo an hmang fo avangin kangpui siam tharte chu thla engemaw zat chhungin a tichhe nghal thin a ti a ni.Court a a thu thehluh tarlan danin kawngpui dinhmun hian sawrkar lam thuneitu ten ngihsak lohzia a lantir a ti a. IMFreport "Road Quality and Mean Speed Score, 2022" data-a tarlan danin khawpui lian pahnih inkarah chuan tlan chak dan phal zat chu darkar khat ah 58 km chauh a ni a. Hei hian kawngpui zau lian tak awm mah se, zinkawng a hlawk lohzia a tilang a ni.
PIL hian kum 2022 leh 2023 inkar khan state chhunga kawngpui accident zawng zawng zinga 14.47% vel chu kawngpui chhia leh kawng khuar nasa lutuk avanga thleng a nih thu a tarlang a. Kum 2020 atanga 2023 thleng khan Madhya Pradesh chu ram pumpui-a kawngpui accident report-ah pahnihna a ni a. State chuan Lok Path website leh mobile app chu siam mah se, complain thehluh te chu buaipui chhunzawm an ni khat hle a ti a. PWD hian kawngpui thenkhat chauh a siam tha a ti a, chungte pawh chu a chhiat nghal zel avangin mipuite pawh han sawisel turin an phur lo a ti a ni.
Chief Justice (Madhya Pradesh HC) Sanjeev Sachdeva leh Justice Vinay Saraf-te thutna bench chuan PIL hi ngaihtuahin thuneitute nenah hriattirna a pe a. December ni 14, 2025-ah ngaihtuah turin a ruat nghal a ni(www.jclalnunsanga.in).
(He PIL hi WP No.43729 of 2025, Rajendra Singh Vs Union of India & Ors a ni a. Petitioner tan hian Adv.Abhinav Malhotra a ding a, Union of India tan Adv.Arnav Tiwari a ding a ni. NHAI tan Adv.Utkarsh Agrawal dingin Sawrkar tan GA Anubhav Jain an ding a ni).
Recent Post
